Terminali hekurudhor i mallrave

TERMINALI

Është ndërtuar në atë mënyrë që të mund ti pranoj të gjitha llojet e dërgesave të mallrave konvencionale dhe atyre të kontejnerëve duke i deponuar kontejnerët 20’ dhe 40’ FT (feet) si dhe përgatitjen e tyre për dërgimin e tyre deri te depotë e porositësit të mallit. Pesha ngritëse e kranit është 40 ton, lartësia e ngritjes 9m përkatësisht 5 nivele. Hapësira e terminalit është 5250 m² me mundësi zgjerimi deri në 9000m². Gjatësia e fushës operative është 200m.

Për ruajtjen e frigo kontejnerëve janë siguruar 4 kyçje. Ngarkimi dhe shkarkimi në/nga kontejnerët bëhet në hapësirë të hapur/mbyllur varësisht nga manipulimi të cilin e kërkon malli.

Në terminalin e kontejnerëve kryhen shërbimet përcjellëse lidhur me riparimet e vogla dhe shërbimet higjienike të kontejnerëve (larja dhe pastrimi).

Duke pasur parasysh trendin botëror të rritjes së vëllimit të mallrave me kontejnerë, në përputhje me këtë jemi duke punuar në modernizimin e këtij terminali edhe me shërbimet tjera. 

SHËRBIMET E TERMINALIT

PËRPARSITË E SHËRBIMEVE TË KONTEJNERVE

Shfrytëzuesit e shërbimeve kanë llogari mjaft të mëdha praktike dhe ekonomike nga transporti i mallrave me kontejner. Kjo në mes tjerash shfaqet përmes:

- krijimit të zinxhirit të pandërprerë të transportit prej prodhuesit deri te konsumatori i mallrave të ndryshme,
- racionalitetit të komunikacionit të brendshëm dhe të jashtëm,
- shkurtimit të kohës së transportit,
- krijimit të depos së përkohshme të gjërave,
- zvogëlimit të të dhënave për paketimin e gjërave,
- kursimit në material  dhe në fuqi punëtore etj,

Veçmas ka përparësi të mëdha në transportin e gjërave të shkapërderdhura në kontejner ( xehes, çimentos, drithit etj. ). Me këtë eliminohet ngarkimi i detyrueshëm klasik, shkurtohet koha e ngarkimit shkarkimit prej një në mjetin tjetër transportues.

Me blerjen e kontejnerëve gjegjës hekurudha ofron mundësi që me te të transportohen të gjitha gjërat.

LLOJET DHE DIMENZIONET E KONTEJNERVE